كممت سري جحـــده *** لا نرقد نومي متهني
غزالي كنت معاهــده *** لا خنتو ولا خانو سعدي
فراقك مني طايقـــــة *** يا لالة واش يصبرني
يا يمنة قوليلــــــــــي *** هذا خبرك ولا جاحده
على لباس الحولــــي *** أم القطاطي طاحو سودا
منك حار دليلــــــــي *** يا يمنة والوقت تعدا
أنا غادي ليامنـــــــة *** تلاقاني عمي وضربني
حلفني بلازمـــــــــة *** لا نعرفها ولا تعرفني
وأخذات عقلي يامنة *** يا لالة يا عين البرني
أنا لقـيـــت مــــــرأة *** صغيرة لذيذة حلوة سمرة
تسقــي بالمــــــــــرة *** بتنا أنا ولفي زوج أطواسي
وعليـــك يا حــــــرة *** أنا بايع براسي
أنا غادي نـــــــــزور *** يا ربي بلغ الزيارة
أوشامـــــــك زرزور *** مخلط بعريف صارا
الديدي والمــــــــــور *** والخلخال يواتي الفارة
أنتي تتغالي قلبي مولع بيك *** يا سنجاق البيات عن كل عمالة
أنتي يا ريدي يا رقبة البلار*** سبايب تنكيدي ناسك يا خندود منعوك من يدي
كيفاش أنخليك تهموك بيا
راني مولع بيك
أنتي يا الخالة يا فايزة بالزين***عن كل عمالة وعيونك حربات ينحروا القتلة
كيفاش أنخليك يا عين غزالة
راني مولع بيك
أنتي يا الحرة يا لابسة السروال***عن حيز السرة كتهموني بيك ناسك عن غدرة
كيفاش أنخليك يا سمح البشرة
يا فرخ الطاوس نشريلك جبـــة *** مع زوج مقايس خلخال بورطلين للكعبة غايس
وخزام بو وجهين نقش قسنطينة
راني مولع بيك
قالو لعرب قالو *** لا نعطو صالح ولا مالو
يالو نقتلــــــــو *** ويطيحو لرقاب على لرقاب
أهلكتني يا رقيق الناب
قالو لعرب هيهـات *** سيدي صالح باي البيات
هاذي من الله جات *** ضربة ربي جات مقدرة
روحوا لدارو يا سيارا
بالله يا الماشي تربــــــــــــــح *** هذا الطبول علاش يصيح
عن جال المخنتر سيد القومان *** يا ليعتي خيالو ما عاد يبان
روحي يا الدنيا ما فيك أمان
قال العربــي قـــــــــــــــــال *** سيدي صالح لاش هو يقتال
نفديوه بالمـــــــــــــــــــــ- ـال *** وقليبو ما جاب أخبارا
روحوا لدارو يا سيارا
كي خرجوه ضيق عشيــــــــة *** والخلق دايرة مسبية
براح ينادي على الربع أركان *** يا ليعتي خيالو ما عاد يبان
روحي يا الدنيا ما فيك أمان
أخرجت متهني *** وعطاوني لمان وخدعوني
هياولي كفنـــي *** وقليبو ما جاب أخبارا
روحوا لدارو يا سيارا
باب الحاج أرفع راســــــــــك *** وتشوف ما جرى في ناسك
عن جال المخنتر سيد القومان *** يا ليعتي خيالو ما عاد يبان
روحي يا الدنيا ما فيك أمان
دنقت لتزاير *** ما عرف قليب قلبي واش اللي صاير
بيات تتغايـر *** باي براهم جاي حزارا
روحوا لدارو يا سيارا
كي ركبوه علـــــى الزرزورة *** وليس قمجتو المحصورة
براح ينادي على الربع أركان *** يا ليعتي خيالو ما عاد يبان
روحي يا الدنيا ما فيك أمان
آه يا سرجييـن *** الدمع يسكب والقلب حزين
بيبان مغلوقين *** ما يرحم من كان حزارا
روحو لدارو يا سيارا
أم الحنينة ماذا عملـــــــــــــت *** بين القبور ماذا ناحت وبكات
بدموعها تشالي نعت الموجات *** حيرت لي دليلي والحال يشيان
روحي يا الدنيا ما فيك أمان
كي حصروا لمدينة وتغلقوا البيبان
وهرب صالح على مجرح ودماغو عريان
كي حكمو الشاوش دارلو زوج حديدان
قالو توضى يا صالح واخرج للميدان
لو عرفتو هكذا يجرى لي ما نسكن البلدان
نبني خيمة على ولادي ونعاشر العربان
خلوني نشوف أولادي منيش هربان
مخنوق بمحرمة شعالة ودموعو ويدان
يا حمودة يا وليدي أتهل في الدار
ما تلوموشي عليا يا كبادي عادة باب نار
كي دخلو لدارو فياو بيت المال
ذهب وجوهر خدام مع الوصفان
قالوا صالح راح **** وريولي قبرو يا سيـــــــــادي **** ونشوفو نرتاح
ويهبوا لريــــاح **** وانقبل الخد ليمن آش من باي **** يعوض صالح
في قسنطينة حزنوا عليه يا ولادو يا عرب المدينة
خاوا يا الخاوا *** لا تفرقوا
أنتوما مشيتوا *** والقلوب تحرقوا
عاشق قليبي طال منها هيا
عينيك دبالوا *** يا طفلة وريدي عاشق خيالو
يللي ورا لجبال ربي يجيبا *** يجعل حبيبي لا يطول غيبة
عاشق قليبي طال منها هيا
يللي ورا لجبال خاش القلعة *** يجعل حبيبي يجي شهر وجمعة
عاشق قليبي طال منها هيا
يللي ورا لجبال شاف بلاده *** يجعل حبيبي يروح كيف العادة
عاشق قليبي طال منها هيا